بلی پر ہائی کورٹ کے روک کے خلاف اپیل کریں گے مہاراجہ پردیوت کشور دےوبرمن

اگرتلا، 29 ستمبر (نیا سویرا لائیو/ایجنسی) مذہبی مقامات پر بلی کے رواج پر روک لگانے کے تریپورہ ہائی کورٹ کے حکم پر دوبار غور کرنے کے لئے تریپورہ کانگریس کے سابق ریاستی صدر مہاراجہ پردیوت کشور دےوبرمن اپیل کریں گے۔واضح رہے کہ عدالت نے ایک مفاد عامہ کی عرضی پر سماعت کرتے ہوئے جمعہ کو اپنے فیصلے میں تمام مذہبی مقامات پر جانوروں اور پرندوں کی بلی پر روک لگانے کا حکم جاری کیا ہے۔
پردیوت کشور دےوبرمن نے میڈیا کے ساتھ بات چیت میں کورٹ کے فیصلے پر رد عمل کا اظہار کیا۔ انہوں نے کہا کہ ملک کی آزادی کے بعد 15 اکتوبر، 1949 کو اس وقت کے مہارانی کنچن پربھا دیوی اور گورنر جنرل آف انڈیا کے درمیان تریپورہ کے بھارت میں انضمام کے معاہدے پر دستخط ہوا تھا۔ اس میں یہ شرط تھی کہ شاہی خاندان کے ما تحت دو اہم مذہبی مقام ترپورےشوری مندر اور چودہ دیوتا مندر کے تمام رسوم و رواج باقاعدہ طریقے سے حکومت کے خرچ پر چلتے رہیں گے، جب تک تریپورہ ریاست رہے گا۔ اس میں بلی کے رواج کا بھی ذکر ہے۔ ایسے میں کورٹ کے فیصلے سے معاہدے کے جواز پر سوال کھڑا ہو گیا ہے۔تاہم، انہوں نے کہا کہ میں جانوروں اور پرندوں کی بلی کا حامی نہیں ہوں، لیکن معاہدے کے مطابق اس کو جاری رکھا جانا چاہئے۔ تو میں نے اس معاملے میں کورٹ میں دوبارہ اپیل کروں گا۔واضح رہے کہ دونوں مندر فی الحال حکومت کے تحت چلتے ہیں۔ پردیوت کشور دےوبرمن نے کہا کہ اگر عدالت بلی کے رواج پر روک لگانے کی بات کہتی ہے تو مسلمانوں کے عیدبقرعید پر ہونے والی قربانی پر بھی روک لگانے کا فیصلہ ہونا چاہئے۔ یہ یکطرفہ نہیں ہونا چاہئے۔ بقرعید کے وقت بھی بڑے پیمانے پر قربانی دی جاتی ہے۔ اس مقابلے میں ہندوو¿ں کے مذہبی مقامات پر انتہائی کم قربانی دی جاتی ہے۔
واضح رہے کہ سال 2018 میں ریٹائر سرکاری افسر سبھاش بھٹاچاریہ نے تریپورہ ہائی کورٹ میں ایک پٹیشن دائر کر کے قربانی کے رواج پر روک لگانے کی مانگ کی تھی۔ اس معاملے میں تریپورہ حکومت کے چیف سکریٹری، گومتی ضلع مجسٹریٹ، ترپورےشوری مندر، ترپورےشوری مندر مینیجنگ کمیٹی، اودے پور محکمہ افسر، ترپورےشوری مندر آپریشنل کمیٹی کے رکن سیکریٹری اور مرکزی جنگل اور ماحولیات کی وزارت کے سیکرٹری کو فریق بنایا گیا تھا۔ اس معمالے میں گزشتہ 19 ستمبر تک سماعت جاری رہے گی۔ جج نے جمعہ کو اپنا فیصلہ سنایا تھا۔اس معاملے میں تریپورہ ریاستی حکومت نے ہائی کورٹ کے قربانی پر لگائی گئی روک کے خلاف دوبارہ اپیل دائر کرنے کا ہفتہ کو فیصلہ کیا ہے۔ کورٹ کے فیصلے کے بعد ریاست کے تمام مذہبی مقامات پر لاگو کرنے کی حکومت نے ہدایت جاری کی ہے۔