اروناچل میں ایئر فورس کا طیارہ حادثے کاشکار،پانچ فوجی ہلاک

ایٹہ نگر: آج اروناچل پردیش کی فوج کے ایم۔ایم ۔17 V5 ہیلی کاپٹر تباہ ہوگیا، جس میں پانچ فوجی اہلکار ہلاک ہوگئے۔ بھارتی ایئر فورس نے حادثے کی تصدیق کی ہے۔ آج صبح 6 بجے تڑ کے حادثہ رونما ہوا۔ پلین کریش کایہ حادثہ توانگ کے قریب ہواہے۔ حادثے میں ایک فوجی زخمی بھی ہوگیا ہے۔فضائی مشق کے دوران یہ حادثہ ہوا ہے۔ یہ طیارہ ایئر مشن کا حصہ تھا۔ ایئر فورس نے کہا ہے کہ حادثات کی تحقیقات کرنے کا حکم دیا گیا ہے۔ یہ حادثہ وزیر دفاع نرملا سیتارمن کے دورے سے پہلے ہوا۔ وزیر دفاع نرملا سیتارمن آج ارونا چل میں سرحدی علاقوں کا دورہ کریں گے۔اس سلسلے میں ابھی تفصیلی وضاحت کا انتظار ہے۔