’’ریل روکو‘‘ تحریک کے اثرات نہ ہونے کے برابر: محکمہ ریلوے

نئی دہلی : ملک بھر میں چلنے والی ٹرینوں کے آپریشنوں پر نہ کے برابر اثرات مرتب ہوئے۔ ٹرینوں کا آپریشن اب تمام زون میں معمول کے مطابق ہے۔ کچھ علاقوں میں کچھ ٹرینوں کو روک دیا گیا تھا لیکن اب ٹرینوں کاآپریشن جاری ہے۔
ریلوے بورڈ کے پی آر اے ڈی جی ڈی جے نارائن نے کہا کہ ریل روکو تحریک کا ملک بھر میں ٹرینوں کی کارروائیوں پر معمولی اثر پڑا ہے۔ اب تمام زون میں ٹرینوں کی نقل و حرکت معمول کے مطابق ہے۔ انہوں نے کہا کہ احتجاج کرنے والوں نے ریلوے کے بیشتر زونوں سے کسی ٹرین کو نہیں روکا ہے۔ اگرچہ کچھ زونل ریلوے نے کچھ علاقوں میں کچھ ٹرینوں کو روک دیا تھا ، لیکن اب ٹرین کی کاروائیاں معمول کے مطابق ہیں اور ٹرینیں آسانی سے چل رہی ہیں۔ ریلوے کا کہنا ہے کہ اس نے ریل روکو تحریک سے نمٹنے کے لئے انتہائی تحمل کا مظاہرہ کیا۔
شمالی ریلوے کے ترجمان دیپک کمار نے کہا کہ آج کسانوں کی ریل روکو مہم کی وجہ سے اترپردیش ، ہریانہ یا پنجاب میں ریل خدمات پر کوئی بڑا اثر نہیں پڑ ا ہے۔ انہوں نے کہا کہ اس احتجاج کی وجہ سے ، شمالی ریلوے کے زیادہ تر علاقے میں آنے والی 650 ٹرینوں میں سے تقریبا 20 ٹرینوں میں پریشانی آئی جس نے تھوڑی دیر کے لئے سروس کو درہم برہم کردیا۔
معلومات کے مطابق ، دہلی کے قریب ہریانہ کی سرحد کے ساتھ کچھ اسٹیشنوں پر ، کچھ ٹرینوں کو کچھ وقت کے لئے پٹریوں پر بیٹھے کسانوں نے روک لیا۔ ان میں ، پلول رودھی کے درمیان سولاکا اسٹیشن پر کیرالہ ایکسپریس کو روک دیا گیا ۔ جہلم ایکسپریس کو بلبھ گڑھ ریلوے اسٹیشن اوراتکل ایکسپریس کوفرید آباد اولڈ ریلوے اسٹیشن پر روک لیا گیا۔