دہرادون ، (ایجنسی)، چمولی کے رشی گنگا میں آئی قدرتی آفت کے بعد دسویں روز منگل کے دن سرنگ سے دو مزید لاشیں برآمد کی گئی ہیں۔ تپوون ہائیڈرو الیکٹرک پروجیکٹ کی زیر تعمیر سرنگ میں ملبے کو ہٹانے کا کام جاری ہے۔ اب تک ہلاکتوں کی مجموعی طور پر تعداد 58 ہوچکی ہے۔ تمام لاشوں کا ڈی این اے محفوظ کرلیا گیا ہے۔ 146 دیگر کی تلاش جاری ہے۔ اس کے علاوہ جوشی مٹھ پولیس اسٹیشن میں مجموعی طور پر 179 افراد کے لاپتہ ہونے کی اطلاع درج کی جا چکی ہے۔ اس تباہی سے متاثرہ 13 گاوں میں زندگی کو دوبارہ پٹری پر لانے کے لئے کوششیں تیز کردی گئیں ہیں۔ بجلی اور پانی کی فراہمی کی بحالی کے ساتھ ، یہاں نقل و حمل کے ذرائع تیار کیے جارہے ہیں۔ بتایا جارہا ہے کہ تین سے چار دن مزید راحت رسانی کا کام چلایا جائے گا۔
اسٹیٹ ڈیزاسٹر آپریشنز سنٹر کی طرف سے جاری کردہ بلیٹن میں بتایا گیا کہ منگل کی صبح تک کل 204 لاپتہ افراد میں سے 58 لاشیں ملی ہیں۔ ان میں سے 29 لاشوں کی شناخت ہوگئی ہے۔ سرنگ میں پھنسے تقریباً 25 سے 35 افراد میں سے 11 افراد کی لاشیں نکال لی گئیں ہیں۔ اس تباہی میں لاپتہ 146 افراد کی تلاش جاری ہے۔ پروجیکٹ کی زیر تعمیر سرنگ سے مزید دو لاشیں ملی ہیں۔ باقی کی تلاش کے لئے دوبارہ کام جاری ہے۔ اب تک 145 میٹر تک کا ملبہ ہٹا دیا گیا ہے۔ ملبے میں کیچڑ ہونے کی وجہ سے امدادی کام اب بھی رکاوٹ آ رہی ہے۔
اسی کے ساتھ ہی 13 گاوں میں بجلی اور پینے کے پانی کی لائن متاثر ہے ، جبکہ 11 گاوں میں بجلی اور 12گاوں میں پانی کی فراہمی کو بحال کیا گیا ہے۔ دیگر گاوں میں بجلی اور پینے کے پانی کی دستیابی کے لئے کام جاری ہے۔
نیا سویرا لائیو کی تمام خبریں WhatsApp پر پڑھنے کے لئے نیا سویرا لائیو گروپ میں شامل ہوں
