شیلانگ ، (ایجنسی) : مرکزی وزیر داخلہ امت شاہ ہفتے کی صبح شیلانگ پہنچے۔ یہاں انہوں نے نارتھ ایسٹرن کونسل (این ای سی) کے 69 ویں مکمل اجلاس کا افتتاح کیا۔اس موقع پر میگھالیہ کے گورنر ، ستیہ پال ملک اور مرکزی وزیر برائے شمالی مشرقی خطہ (ڈانر) کے وزیر مملکت (آزاد چارج) ڈاکٹر جتیندر سنگھ بھی موجود تھے۔ این ای سی شمال مشرقی خطے کی معاشی اور سماجی ترقی کے لئے ایک نوڈل ایجنسی ہے ، جس میں شمال مشرق کی آٹھ ریاستوں ، اروناچل پردیش ، آسام ، منی پور ، میگھالیہ ، میزورم ، ناگالینڈ ، سکم اور تری پورہ شامل ہیں۔اجلاس میں آٹھ شمال مشرقی ریاستوں کے گورنروں اور وزرائے اعلیٰ کے ساتھ ریاستی حکومتوں اور مرکزی وزارتوں کی ایک بڑی تعداد کے وفد نے شرکت کی۔ یہ سیشن اتوار کواختتام پذیر ہوگا۔مرکزی وزیر داخلہ ہفتہ کی شام آسام کے شہر گوہاٹی میں سنٹرل آرمڈ پولیس فورس کے لئے آیوشمان بھارت پروگرام شروعکیا۔ انہوںنے شیلانگ سے گوہاٹی کے نومیلا ، سینٹرل ریزرو پولیس فورس (سی آر پی ایف) کے گروپ سینٹر میں منعقدہ پروگرام میں حصہ لیا۔ اس کے بعد ، وہ کامروپ (دیہی) ڈسٹرکٹ ہیڈ کوارٹر امنگ گاؤں کے گیسٹ ہاؤس پہنچے جہاں انہوںنے بہت سے دیگر ایونٹس میں حصہ لیا۔ وہ اتوار کے روز آسام میں بھی رہ رہے ہیں۔
شیلانگ پہنچنے پر شاہ کا استقبال میگھالیہ کے وزیر اعلی کونراڈ کے سنگما اور این ای سی کے نائب صدر اور مرکزی وزیر ڈاکٹر جتیندر سنگھ نے کیا۔ اجلاس میں شمال مشرقی خطے کے لئے جاری کئی ترقیاتی منصوبوں اور مستقبل کے منصوبوں پر تبادلہ خیال کیا جارہا ہے۔
نیا سویرا لائیو کی تمام خبریں WhatsApp پر پڑھنے کے لئے نیا سویرا لائیو گروپ میں شامل ہوں
